Bo'lim: B harfiga oid qurilish atamalari

Bozorgoh – bozor uchun belgilangan maydon.

Bozor – 1) savdo-sotiq qilish uchun maxsus ajratilgan joy, maydon; 2) bozor uchun mo’ljallab qurilgan maxsus bino.

Bodomgul – bodom shaklidagi naqsh bo’lagi. Me’morlikda, xalq amaliy san’ati (kandakorlik, do’ppido’zlik)da keng qo’llaniladi.

Bodkash (boddar) – uyni shamollatish uchun ochilgan kichik darcha, tuynuk.

Bodgir (bod-shamol, giryig’uvchi) – shamol yo’nalishiga moslab qurilgan bostirma, ayvon. Hovli, xona iqlimini salqinlatishga xizmat qiladi. Xoramz me’morligida keng qo’llaniladi.

Bodbur (bod-shamol, bur tortish) – to’sinlar orasidagi ochiq joy, tuynuk, teshik. Yog’ochlar chirimasligi uchun maxsus qoldirilgan teshik.

Bodbon – binoda shamol to’suvchi maxsus parda, soyabon.

Bog’siz (bog’lanishsiz) – 1) yo’l qo’yilgan xatolar tufayli chizmadagi chiziqlarning yaqinlashmasligi; 2) har qanday narsada kelishishning yo’qligi; 3) hisob-kitoblardagi xatolik (tafovut).

Bog’lovchilarni maydalash – bog’lovchi moddalarni ishlab chiqarishdagi texnologik jarayon bo’lib, bu jarayon tayyor mahsulot ifatini oshirish uchun qo’shimcha ingrediyentlarni kiritgandan keyin va sovutilgach xom ashyo yoki xom ashyo qorishmasini pishirishdan … Batafsil

Bog’lovchi to’sin – ustunlarning fazoviy bikrligini ta’minlash maqsadida ularning yuqori qismlarini bog’lovchi va to’sinlar orasidagi oraliqlarda yuqori yotuvchi konstruksiyalardan yuklarni qabul qiluvchi to’sin.