Bo'lim: B harfiga oid qurilish atamalari

Bir tekislik – barcha qismlarda, element yoki biror narsaning butun davomligida bir xil bo’lish. Masalan: hajmning birtekis o’zgarishi, birtekis siqilish va hokazolar.

Birlik – kelishuv bo’yicha shartli ravishda 1 ga teng raqamli qiymat berilgan qat’iy o’lchamgi jismoniy miqdor. Masalan: vaqt birligi, o’lchov birligi, hajm birligi va hokazolar.

Birlashtiruvchi chiziqlar – yong’in signalizatsiyasi tizimining tarkibiy qismlari o’rtasidagi aloqani ta’minlovchi sim va kabellar.

Birlashtiruvchi nakladka – konstruksiya elementlarini ulash uchun xizmat qiluvchi va ulanishdagi zo’riqishni uzatish, taqsimlashni ta’minlaydigan nakladka.

Birlashtirish (jipslashtirish) – bo’ylama tomonlarini bog’lab, mahkamlash (taxtalar, xodalar). Masalan: xodalarni birlashtirish, taxtalarni jipslashtirish va hokazolar.

Birlashtirmoq – alohida, mustaqil birliklardan bir butun hosil qilmoq, birgalikda birlashtirish.

Birlashma – tashkilot turi, shakli. Umumiy maqsadlarga erishish uchun faoliyati ongli ravishda muvofiqlashtirilgan odamlar guruhi.

Birlamchi (dastlabki) – biror narsa rivojlanishida birinchi qadam bo’lish; dastlabki. Masalan: birlamchi qatlam, detallarga birlamchi ishlov berish va hokazolar.

Biriktiriluvchi (ulanuvchi) – bir nechta ob’yektlardan bir butunni tashkil etuvchi.

Biriktirmoq (ulashga doir) – bir nechta ob’yektlarni (moddalarni) birlashtirish.