Bo'lim: B harfiga oid qurilish atamalari

Bir o’q bo’yicha o’rab siqish – betonni bitta o’q, masalan, bo’ylama o’q bo’yicha o’rab siqish.

Bir tomonli silliq yog’och tolali plita – yog’och tolali plitalarning shunday turiki, bunday turdagi yog’och tolali plitaning bir tomoni katta g’adir-budirlik yoki transport iziga o’xshash to’rli sirtga ega bo’lsa, ikkinchi … Read More

Bir oraliqli (bir qulochli) – bir (yaxlit) oraliqqa ega bo’lgan. Masalan: oraliq tayanchlarsiz ko’prik, bir oraliqli to’sin, bir oraliqli optik tolali liniyalar va hokazolar.

Bir nishabli to’sin – butun uzunligi bo’ylab ustki tekisligi nishabga ega bo’lgan to’sin.

Bir quvurli – bitta yaxlit quvurdan iborat. Bir quvurli tizimlar ikki quvurli tizimlarga qaraganda ko’proq gidravlik barqarorlikka ega bo’ladi.

Bir qatlamli pol – orayopma plitasi yoki tekislovchi qatlam ustiga bevosita yotqizilgan qoplamadan tashkil topgan pol.

Bir qatlamli panel – bir turdagi betondan bajariladigan bitta asosiy qatlamga ega bo’lgan paneldir.

Bir qatlamli blok – bir turdagi betondan bajarilgan bita asosiy qatlamga ega bo’lgan blokdir.

Bir qatlamli yog’och tolli (qipiqli) plita – yog’och tolali (yog’och qipiqli) plita bo’lib, bu qalinligi bo’yicha tolalar o’lchamlari yoki yog’och zarralari, ularning oriyentatsiyasi, zichligi, bog’lovchi ulushi bo’yicha bir jinsli strukturaga … Read More

Bir qavatli – faqat bitta qavatga ega (bino haqida).