Bo'lim: Ch harfiga oid qurilish atamalari

Chok payvandlangan (chokli payvandlash) – eritilgan metallning krisstallanishi natijasida hosil bo’ladigan payvandlab biriktirish uchastkasi yoki bosim ostida payvandlashda plastik deformatsiyalanish natijasida yoxud kristallizatsiya va deformatsiyaning uyg’unlashishi bilan hosil bo’ladigan chok.

Chuqur (choh) – 1) o’yiq, o’yilgan; qazilgan, cho’nqir; 2) chuqur, quduq; 3) zindon (qadimda); 4) tagxona uchun qazilgan chuqur; 5) sinchli devorlardagi o’yiq.

Chuvatmoq – 1) yechish, jarohatlangan narsaning bir qismini ajratish; 2) biror o’ramni yechib olish, olib tashlash; 3) uzluksiz harakat natijasida charchash (qo’llar).

Chuvatish – biror narsani ochmoq, aniqlmoq; yashirin, noaniq narsani tushunmoq. Masalan: simni chuvatish (o’rovdan bo’shatish) va hokazolar.

Chuv (chuv cho’p) – bolt chuvi, granataning portlashdan saqlab (ehtiyot qilib) turuvchi chekkasi.

Chorcho’p – 1) to’rt yog’ochdan tuzilgan xona asosi, tagsinch, eshik kesakisi, rom; 2) vertikal ustunlarning (yuqori va pastki) tayanch kesishmalarini bog’lovchi, karkasli binolarning perimetri bo’ylab yopiq gorizontal ramasi.

Chorxol – takrorlanuvchi to’rt nuqtalari qatoridan tuzilgan hoshiya.

Chordoq – uyning shipi va tomi orasidagi bo’shliq. Masalan: shamollatiladigan chordoq.

Chordevor – to’rt tomi devor bilan o’rab olingan xona, holi joy.

Chorxari – 1) to’rt xarili xona; 2) bir ustunga to’rt tarafdan xari bog’langan ship.