Bo'lim: D harfiga oid biologiyaga oid ensiklopedik atamalar

Distrofiya – ovqatlanishning buzilishi.

Dissimilyatsiya – tirik organizmlarda organik birikmalarning energiya ajratishi bilan bog’liq parchalanish reaksiyalari. Nafas olish va bijg’ish asosiy dissimilyatsion jarayonlar hisoblanadi.

Diskomitsetlar – xaltali zamburug’lаг guruhi. O’simliklarda kasallik qo’zg’atuvchi va yeyiladigan turlari (qo’ziqorinlar) bоr.

Disaxaridlar – ikkii monosaxarid qoldig’idan tashkil topgan shakarlar.

Dipterologiya – zoologiyaning qo’shqanotli hasharotlarni o’rganadigan sohasi.

Diplokokklar – odatda juft bo’lib joylashgan sharsimon, yumaloq bakteriyalar.

Diploid – hujayrasi gomologik juft xromosomalar to’liq to’plamiga ega organizm.

Dipeptidlar – ikki aminokislota qoldig’idan tashkil topgan birikmalar.

Dinozavrlar, bahaybat kaltakesaklаг – qirilib bitgan sudralib yuruvchilarning katta turkumi. Bular trias davridan bо’r davrigacha keng tarqalgan. Uzunligi 30 metrgacha bo’lgan. O’rta Osiyoda qoldiqlari topilgan.

Dimorfizm – bir turga mansub individlar orasida tashqi ko’rinishi bilan keskin farq qiluvchi ikki xil shaklning mavjudligi. Jinsiy dimorfizm, mavsumiy dimorfizm va boshqa xillari uchraydi.