Bo'lim: D harfiga oid geografiyaga oid ensiklopedik atamalar

Damba– suvni vaqtincha yoki doimiy damlab turuvchi ko`tarma to`siq.

Dayka– magmani yerdagi yoriqlarni to`ldirib, qotib qolgan shakli.

Do`ng – baland yer, kichik tepa, uzun cho`zilgan qir.

Duragaylar – turli irqlarga oid kishilar nikohidan bo`lgan avlod. Masalan, Amerikada oqlar bilan indeetslarning nikohidan tug`ilgan avlod duragaylar deyiladi.

Duoba (tojikcha du – ikki, ob – suv) – ikki soy, daryo quyilgan joy.

Dunit – yer po`stining chuqur qismida paydo bo`lgan magmatik tog` jinsi. Asosan yashil rangdagi donador olivin mineralidan iborat bo`lib, tarkibida xromli temirtosh (xromit) dam uchraydi. Xrom va platina konlari dunit … Read More

Drenaj (inglizcha dreyn – quritish) – sho`r yuvish, sizot suvlar sathini pasaytirish, to`qay va zax yerlarni quritish uchun qilingan zovur va quvurlar sistemasi.

Dreyf (gollandcha driyfen – haydamoq, suzmoq) – suzib ketayotgan kemaning shamol va oqimlar ta’sirida surilib ketishi; muz dreyfi – dengizdagi muzning shamol ta’sirida sekin siljishi.

Dreyf oqim – suv yuzasiga to`lqinning orqa qismiga shamol urilishi natijasida okean va dengiz suvi ustki (100-200 m) qatlamining harakatga kelishi, oqishidan hosil bo`ladigan oqim.

Draga – suv ostidagi sochilma konlardan oltin, platina, qalay va boshqalarni kavlab chiqaradigan va yuvib tozalaydigan suzib yuruvchi inshoot. Qum jinslari ichidan olinadigan sof metallarning 90-95% i, boshqa xil minerallarning … Read More