Bo'lim: D harfiga oid pedagogikaga oid ensiklopedik atamalar

Diplom ishi-O’zbekiston Respublikasida oliy hamda o’rta maxsus kasb-hunar o’quv yurtlari bitiruvchilarining o’quv tadqiqot xarakteridagi yakunlovchi ishi.

Diplom-1) shaxsning oliy yoki o’rta maxsus o’quv yurtini tugatganligi yoxud ilmiy daraja, ilmiy unvonga ega ekanligini tasdiqlovchi rasmiy hujjat; 2) biror huquq yoki mukofot berilganligini tasdiqlovchi guvohnoma.

Diniy o’quv yurti-ruhoniy tayyorlovchi maktab.

Didaktizm-pedagogikaning ta’lim va uning metodlari hamda tashkiliy shakllari haqidagi bo’limi.

Diktant-o’quvchilarga imlo va tinish belgilariga doir qoidalarni o’rgatishda hamda bu qoidalar yuzasidan hosil qilingan malakalarini tekshirish maqsadida tashkil etiladigan yozma ish turi.

Didaktika-1) pedagogikaning ta’lim nazariyasi bilan shug’ullanadigan tarmog’i; 2) ta’lim nazariyasi.

Didaktik material-ko’rgazmali o’quv qo’llanmalarning maxsus turlari.

Didaktik markazlashgan pedagogik texnologiya-bola shaxsiga mutlaq befarq munosabatni ifodalovchi texnologiya.

Didaktik birlik-qo’shish, ko’paytirish, konspektlashtirish, sana va so’zlarni esda saqlab qolish, test o’tkazish, optimallashtirish usullari.

Didaktik adabiyot-1) axloqiy-ta’limiy, ilmiy-falsafiy, diniy bilimlar va g’oyalar badiiy talqin qilingan pand-nasihat yo’nalishidagi kitob; 2) o’quv adabiyoti.