Bo'lim: D harfiga oid pedagogikaga oid ensiklopedik atamalar

Didaktik o’yinlar-ta’lim oluvchilarning bilim, ko’nikma va malakalarini rivojlantirishga qaratilgan maxsus ta’limiy o’yinlar.

Didaktik eksperiment metodi-borliqni o’zgartirib, uning ichki qonuniyatlarini o’rganib, unga ta’sir etishning samarador usullarini aniqlashga qaratilgan tadqiqot metodi.

Didaktik tizim-ta’lim mazmuni, uni tashkil etishning shakl, metod, jarayonlari va o’qitish maqsadlaridan iborat tizim.

Didaktik talablar uyg’unligi-o’qituvchilarni o’quvchilar o’quv faoliyatini boshqarish, mashg’ulotlarni uyushtirish va o’tkazish jarayoniga uyg’unlik tarzda yondashuvi.

Didaktik material-o’quvchilarga ta’lim-tarbiya berishga yo’naltirilgan maxsus o’quv materiallari.

Dialog-ikki kishi; masalan, o’qituvchi va o’quvchilar orasidagi muloqot.

Diayrezis-aqliy tashxis.

Diagnostika-ta’lim jarayoni, o’qituvchi hamda o’quvchi faoliyatining muayyan qirrasini o’rganish maqsadida amalga oshiriladigan tekshirish.

Definitsiya-muayyan pedagogik tushuncha haqidagi qisqacha ta’rif.

Defektologiya-jismoniy va ruhiy nuqsonli bolalar rivojlanishining psixofiziologik xususiyatlarini o’rganish, ularga maxsus ta’lim-tarbiya berish, undagi nuqsonlarni bartaraf etish qonuniyatlarini o’rganuvchi fan.