Bo'lim: D harfiga oid qurilish atamalari

Duraftor – 1) naqshda ikki tanob yoki bandning juft holda takrorlanishi; 2) ikki yo’lli ilon izi shaklidagi naqsh.

Duradgor (najjor) – yog’och bilan ishlaydigan, yog’ochni o’yib yoki yog’och asosdan buyumlar yasaydigan usta, hunarmand, professional ishchi.

Dupaza – tayyorlash jarayonida koshin, parchinlarni ikki marta xumdonda pishirib olish.

Dudso’rgich – tutun gazlari-yonilg’i yonish mahsulotlarini olib tashlashga xizmat qiluvchi bosimli tortish mashinasi. U issiqlik energetikasi yoki yong’inga qarshi choralar uchun qo’llaniladi.

Dudburon (mo’ri) – yonish mahsulotlarini issiqlik ishlab chiqaruvchi qurilmalardan atmosferaga, tabiiy yoki majburiy tortishish induktsiyasi orqali odamlar va binolar uchun xavfsiz balandlikka yo’naltirishga mo’ljallangan, binolar va inshootlarning muhandislik hayotini ta’minlash … Batafsil

Dubahra – eshiklari betkay va terskay tomonga ochiladigan xona.

Drenchli purkagich – Drencherli purkagich suv hamda suvli eritmani sochish yoki tarqatib sepish uchun mo’ljallangan, ochiq chiquvchi teshikli yong’in o’chirish purkagichi.

Drenaj (zovur) – yer osti suvlari sathini pasaytirish, bino (inshoot) atrofidagi tuproq qatlamini quritish, sizish bosimini kamaytirish maqsadida ularni yig’ish va chetlatish uchun quvurlar (drena), quduqlar va boshqa qurilmalar tizimi. … Batafsil

Drena – yer osti suvlarini yig’ish va chetlatish uchun yer osti sun’iy qurilmasi (quvur, quduq, bo’shliq).

Drel (parmadasta) – qurilish, pardozlash, duradgorlik, chilangarlik va turli materiallarda teshiklarni burg’ulash uchun parma yoki boshqa kesish asbobiga aylanish harakatini berish uchun mo’ljallangan qo’l, pnevmatik yoki elektr asbob.