Bo'lim: E harfiga oid geografiyaga oid ensiklopedik atamalar

Exolot– dengiz va okeanlarning chuqurligini o`lchovchi asbob.

Effuziv tog` jinslari – yer usti yoki suv ostidagi vulqon faoliyati natijasida hosil bo`lgan magmatik jinslar.

Efemer o`simliklar (yunoncha efemeros – bir kunlik) – qurg`oqchil o`lkalarda o`sadigan, vegetatsiya davri qisqa bir yillik o`simliklar. Masalan, O`rta Osiyo cho`llarida rango`t, qo`ngirbosh, lolaqizg`aldoq kabi efemer o`simliklari may oyi boshlaridayoq … Batafsil

Efemeroid – ko`p yillik o`simliklar.

Etak – daryo quyi oqimidagi yerlar (daryo etagi), qishloq, shahar yoki biror joyning pastki chekka qismi (qishloq etagi, yerning etagi), tog` etagi va h.k.

Etnografiya(yunoncha etnos – xalq, grafo – yozaman) – dunyo xalqlarining madaniy va maishiy xususiyatlarini, xalqlarning kelib chiqishi (etnogenez), madaniy-tarixiy aloqalarini o`rganadigan fan.

Eski dunyo – Yevrosiyo va Afrika materiklari.

Estuariy (lotincha daryoning suv bosadigan etagi)- daryoning dengizga quyiladigan joyi kengayib, daryo etagini dengiz suvi bosishidan hosil bo`lgan qo`ltiqcha. Estuariy-daryoning dengizga quyiladigan joydagi kengaygan qismi.

Erglar– Afrikaning Sahroi Kabir cho`llarida qator-qator qum do`nglari ko`p bo`lgan cho`llar. Erglar odatda allyuvial jinslar tarqalgan keng soyliklarda ko`proq uchraydi. Erglarda o`simliklar va hayvonlar yashashi uchun sharoit reg, hamada, serirlarga … Batafsil

Epeyrogen harakatlar – yer po`stining asta-sekin ko`tarilib yoki pasayib borishi.