Bo'lim: F harfiga oid pedagogikaga oid ensiklopedik atamalar

Faraz-muayyan voqea-hodisa haqida oldindan, taxminan chiqarilgan hukm, xulosa, taxminiy mulohaza.

Fanlarni o’qitish metodikasi-pedagogika fanining muhim tarkibiy qismi bo’lib, muayyan o’quv fanini o’qitish qonuniyatlari, shakl, usul va materiallarini o’rganadi.

“Fan va turmush”-O’zbekiston FAning ilmiy-ma’rifiy, ommabop jurnali.

Fan-texnika inqilobi (ilmiy texnika inqilobi)-ishlab chiqaruvchi kuchlarning tub sifat o’zgarishlarida fanning asosiy ishlab chiqaruvchi omili bo’lishi. XX asrning o’rtasida boshlangan.

Fan komiteti (O’zbekiston Xalq komissarlari Kengashi huzuridagi fan komiteti)-1930 yilda O’zbekiston fan shtabi vazifasini bajarga ilmiy tashkilot.

Fan doktori-yuqori ilmiy daraja. Dastlab 1130 yil Bolonya universitetida joriy etilgan bo’lib, magistrlik darajasiga ega bo’lgan o’qituvchilarga berilgan.

Fan-1) dunyo haqidagi bilimlar tizimi, ijtimoiy ong shakllaridan biri; 2) kadrlar tayyorlash milliy modelining asosiy tarkibiy qismi.

Faoliyat parametrlari-faoliyat yo’nalishlari.

Faoliyat mahsulini o’rganish metodi-pedagogika va psixologiya tarixini o’rganish, ta’lim menejmenti asoslarini ifodalash hamda ta’lim-tarbiya jarayonlarini boshqarishda optimal qarorlar qabul qilishda keng foydalaniladigan metodlar.

Faoliyat-muayyan maqsadga yo’naltirilgan ish, harakat, mashg’ulot.