Bo'lim: F harfiga oid tarixga oid ensiklopedik atamalar

Fasih ul-bayon-chiroyli bayon etuvchi, so’z ustasi.

Farroshboshi-Buxoro amirligida amir oshxonasining boshlig’i, ya’ni bosh oshpaz farroshboshi deb atalgan.

Farrosh-asl ma’nosi “gilam to’quvchi”. Podshohlar, xonlar, amirlar va feodal aslzodalar huzuridagi kichik saroy xizmatchisi hisoblangan. Uning zimmasiga mehmon kutish uchun zarur bo’lgan barcha anjomlarni hozirlash vazifasi yuklatilgan. Shuningdek, vaqt o’tishi … Read More

Farz-shariatda hamma musulmonlar bajarishi shart bo’lgan qat’iy talablar va me’yorlarni anglatuvchi diniy huquqiy tushuncha. Qur’onda ko’rsatilgan diniy e’tiqod, marosim, urf-odat talablari, axloqiy va huquqiy me’yorlar farz tushunchasiga kiritilgan.

Farsax (farsang – parsang, porasang)-Sharqda, jumladan O’rta Osiyoda qadimdan ishlatilib kelgan masofa o’lchov birligi. Bir farsah 9-12 ming qadamga yoki 6-8 kilometrga teng bo’lgan.

Falloq-eski maktablarda gunohkor bolalarga jazo berishda ishlatiladigan arqon.

Falakiyot-astronomiyaning XX asrning 40-yillarigacha o’zbek tilida ishlatilib kelgan eski nomi. Hozir ham ayrim Sharq xalqlari tillarida qo’llaniladi.