Bo'lim: G harfiga oid qurilish atamalari

Girihkusho – 1) girih taqsimi sirlarini ochuvchi usta; 2) girih ustasi.

Girih – murakkab handasiy shakllar takrorlanishidan iborat naqsh turi. Naqsh asosini kvadrat, uchburchak, to’g’ri uchburchak shaklli taqsimlar tashkil etadi.

Gira (taxtakach) – buyumni mahkam qisib qo’yadigan moslama, asbob.

Gipsokarton listlar – 1) listsimon mahsulotlar, o’zagi yonmaydigan gipsdan iborat, barcha tekisliklari, oxirgi qirralardan tashqari, o’zagiga mahkam yopishtirilgan karton bilan qoplangan; 2) ikkala tomoni karton bilan qoplangan gips o’zakli material.

Gipsokarton listi ko’ndalang kesimining namunasi – listdan kesib olingan namuna bo’lib, bu namuna uzunligining yo’nalishi listning eniga mos tushadi.

Gipsokarton listi buchaklari va qirralarining shikastlanishi – gipsokarton burchaklari va qirralarining karton bilan birgalikda ezilishi yoki buzilishi.

Gipsobeton – gips, yuqori mustahkamlikka ega bo’lgan gips yoki gipstsement-putssolanli bog’lovchi, suv to’ldiruvchi yoki kimyoiy qo’shimchalardan tashkil topuvchi qotgan aralashmalarni o’zida namoyon etgan toshsimon sun’iy qurilish materiali.

Gips tolali plita – tolali to’ldirgich qo’shilgan gipsdan tayyorlangan plita.

Gips tolali oddiy list – gips tolali listlar, asosan, quruq va normal namlik sharoitida va binolar ichki pardozlashda ishlatiladi.

Gips tolali list – gipsli bog’lovchi va tsellyuloza tolalaridan (pahmoqli chiqindi qog’ozlar) olinadi.