Bo'lim: I harfiga oid biologiyaga oid ensiklopedik atamalar

Ichki quloq, pardasimon labirint – umurtqali hayvonlar eshitish va muvozanat a’zolarining asosiy qismi.

Ichki sekretsiya – ichki sekretsiya bezlarining maxsus hujayralarida hosil bo’luvchi va to’g’ridan to’g’ri qonga, limfaga ajralib chiquvchi biologik faol moddalar.

Ichki urug’lanish, ichki otalanish – jinsiy hujayralarning urg’ochi yoki ikki jinsli organizmning jinsiy yo’llarida qo’shilishi.

Interferon – virus infeksiyasiga (masalan, grippga) qarshi organism (asosan sut emizuvchilar уа qushlarda) ishlab chiqaradigan oqsil. Immun tizimiga aloqador emas.

Interfaza – hujayraning mitotik bo’linishlar orasidagi holati.

Insulin – oshqozon osti bezi ishlab chiqaradigan oqsil tabiatli gormon. Qondagi shakar miqdorini boshqaradi.

Insektitsidlar – zararkunanda hasharotlarni yo’qotish uchun ishlatiladigan kimyoviy moddalar.

Inokulyatsiya – tirik mikroorganizmlarni ozuqa muhitiga, o’simlik yoki hayvon organizmiga kiritish. Маsalan, dukkakli o’simliklar uгug’ini tuganak bakteriyalari bilan emlash (yuqtirish).

Ingichka ichak – oshqozon-ichak yo’lining birinchi bo’limi. Bu bo’limda ko’pchilik ozuqa hazm bo’ladi vа so’riladi.

Ingibitorlar – O’simliklarning o’sish ingibitorlari – o’simliklar o’sishini sekinlashtiruvchi tabiiy yoki sintetik moddalar. Bularga etilen, аbssizat kislota, xlorxolinxlorid (tuг) kabilar kiradi.