Bo'lim: I harfiga oid iqtisodiy ensiklopedik atamalar

IXTILOFLARNI BOSHQARISH – ixtilofni vujudga keltirgan sabablarga barham berish (kamaytirish) sohasida aniq maqsadli tasir ko’rsatish yoki ixtilof qatnashchilari xulq-atvorini o’zgartirishga qaratilgan ta’sir ko’rsatish.

ISTE’MOL TOVARLARI – inson ehtiyojini qondirishga mo’ljallangan iste’mol buyumlarining tovar shakli; pulga sotib olib, iste’mol etiladigan moddiy mahsulotlar va har xil xizmatlar.

IXTILOF – bir-biriga qarama-qarshi yo’naltirilgan maqsadlar, manfaatlar, nuqtayi nazarlar, fikrlar yoki ikki va undan ortiq kishining qarashlari to’qnashuvidan iborat.

ISTIQBOLNI BELGILASH MALAKASI – ijtimoiy va bilish jarayonlarini rejalashtirish va boshqarish.

ISTIQBOLNI ANIQLASH – moliyaviy mexanizmining asosiy qismi bo’lib, u moliyaviy rejalar va balanslar hamda moliyaviy ko’rsatkichlar, norma va normativlar tizimini o’z ichiga oladi.

ISTIQBOLLI REJALAR – uzoq muddatli davrlar uchun korxonani iqtisodiyijtimoiy rivojlantirish nisbatlari va yo’nalishlarini belgilab beruvchi rejalar.

ISTE’MOL BOZORIDAGI MUTANOSIBLIK – iste’mol bozoriga taklif etilayotgan tovarlar va xizmatlar hajmi bilan aholining to’lovga qodir talabining o’zaro mosligi.

ISTE’MOLGA O’RTACHA MOYILLIK – iste’mol xarajatlarining daromaddagi (yoki shaxsiy tasarrufdagi daromad hajmidagi) hissasi.

ISTE’MOL (JAMG’ARISH)GA CHEGARALANGAN MOYILLIK – iste’mol xarajatlaridagi (jamg’arish hajmi) o’zgarishning bu o’zgarishni keltirib chiqargan daromadlarning o’zgarish miqdoridagi ulushi.

ISTE’MOLCHILAR XARID QOBILIYATI – iste’molchilarning o’zlariga zarur tovarlar (xizmatlar) ni sotib olish uchun moliyaviy imkoniyatlari bo’lib, xarid fondlarining tovarlar narxlarida ifodalangan shakli.