Bo'lim: I harfiga oid iqtisodiy ensiklopedik atamalar

ISHLAB CHIQARUVCHI KUCHLAR – ishchi kuchi yoki boshqacha aytganda, ma’lum malakaga, tajribaga ega bo’lgan kishilar hamda ishlab chiqarish vositalaridan tashkil topgan.

ISHLAB CHIQARISH XARAJATLARI – tovar va xizmatlarni ishlab chiqarish va iste’molchilarga etkazib berishda qilinadigan barcha sarflardan iborat.

ISHLAB CHIQARISH JARAYONI – jamiyat ixtiyoridagi barcha resurslardan foydalanib, jamiyat a’zolari uchun zarur bo’lgan tovar va xizmatlarni yaratish.

ISHLAB CHIQARISH MUNOSABATLARI – hayotiy ne’matlarning ishlab chiqarish, taqsimlash, ayirboshlash va iste’mol qilish jarayonida kishilar o’rtasida paydo bo’ladigan iqtisodiy munosabatlardir.

ISHLATILISH KOEFFITSIYENTI – ma’lum bir resursning faktik ishlatilish vaqtining uning ishlatilishi mumkin bo’lgan vaqtga nisbati.

ISHLAR (XIZMATLAR)NI EKSPORT QILISH – ishlarni bajarish (xizmatlar ko’rsatish) joyidan qat’i nazar, O’zbekiston Respublikasining yuridik yoki jismoniy shaxsi tomonidan chet davlatning yuridik yoki jismoniy shaxsi uchun ishlarni bajarish, xizmatlar ko’rsatish.

ISHLAR – bajarilishi uchun ma’lum vaqt talab qilinadigan WBS loyihasi ishlari tuzilmasining dastlabki elementlari. Berilgan loyihada ko’rsatilgan barcha ishlarning tugatilishi – butun loyiha tugashi demakdir.

ISTE’MOLCHILAR TALABI – ma’lum paytda yoki davrda iste’molchilar ehtiyojining to’lov vositasi bilan ta’minlangan qismi; to’lov qobiliyatiga ega bo’lgan ehtiyoji; odamda biror narsaga talab paydo bo’lishi uchun o’sha narsaga ehtiyoji va … Batafsil

ISTIQBOLLI MOLIYAVIY MA’LUMOTLAR – ma’lum voqealar sodir bo’lishi va xo’jalik yurituvchi subyekt rahbariyati tomonidan muayyan harakatlar amalga oshirilishi taxminlaridan kelib chiqadigan xo’jalik yurituvchi subyektning kelajakdagi moliyaviy holati, faoliyatining kelajakdagi moliyaviy … Batafsil

ISTE’MOL MOLLARI VA XIZMAT – uy xo’jaliklari, notijorat tashkilotlar tomonidan ishlab chiqarish jarayonida, tizimda ko’rsatilganidek, qo’shimcha o’zgartirishsiz foydalaniladigan tovar va xizmatlar. Bunday foydalanish uy xo’jaligiga xizmat ko’rsatuvchi subyektlar, shaxslarning bevosita … Batafsil