Bo'lim: K harfiga oid fuqarolik jamiyatiga oid ensiklopedik atamalar

KRATOLOG (yun. thesauros – zaxira) — hukumat (hokimiyatshunoslik) fani bo’yicha mutaxassis.

KRATIYA (…kratiya) (yun. kratos – hokimiyat) — o’zlashma, qo’shma so’zlarning tarkibiy qismi bo’lib, oliy hokimiyat, hukmronlik, boshqaruv ma’nolarini ifodalaydi (masalan. aristokratiya, byurokratiya, demokratiya).

KUMULYATIV VOTUM — ko’p mandatli saylov okruglarida ovoz berish tartibi: unda saylovchi o’zida bo’lgan ovozining bir qismini yoki barchasini birlashtirib va uni nomzodlardan biriga berish huquqiga ega bo’ladi.

KRIZIS (yun. krisis – burilish, oqibat) — vaziyatning keskinlashuvi, birdan, to’satdan yuz bergan o’zgarish, tang va xatarli, mushkul holatlarni anglatadi.

KRIPTOKRATIYA (yun. kryptos – maxfiy, pinhoniy) — yashirin, ko’pchilik bilmaydigan hukumat.

KRATOMAFIYA (it. mafia) — mafiyaning hukumatni to’liq nazorat qilishi, hokimiyatning tizimi, tarkibi va boshqa resurslarini to’liq nazorat ostiga olgan holatda hokimiyatga egalik qilish.

KVORUM (lot. quorum – qatnashuvchilar) — yig’ilish, majlis qatnashchilarining qonuniy huquqqa, huquqiy kuchga, vakolatga ega bo’lgan, qarorlar qabul qilish uchun qonunda yoxud jamoat tashkilotlarining ustavlarida belgilangan zarur soni.

KVINTESSENTSIYA (lot. beshinchi asos) — biror narsaning asos, mohiyati; eng muhim, eng asosiy deb belgilanuvchi masala va mohiyati.

KVAZI (lot.) — turli so’zlar boshiga qo’yiluvchi va «go’yo», «sohta» ma’nolarini beruvchi qo’shimcha. Masalan, kvazidemokratiya.

KONTENT-TAHLIL — matn mazmunining formallashgan taxlili. Bu taxlil, masalan, siyosiy yetakchilar, partiyalar rahbarlari nutqlaridagi eng ko’p uchraydigan so’zlar yordamida asosiy diqqat qaratilayotgan soha, yunalishni aniqlash va bu ma’lumotlarni real vaziyat … Read More