Bo'lim: K harfiga oid iqtisodiy ensiklopedik atamalar

KNIS KARL (1821 -1892) – nemis iqtisodchisi, uningcha, iqtisodiy qonunlar yo’q va tabiiy qonunlar bor. Karl xususiy mulk va kapitalizmni abadiy deb hisoblagan. Iqtisodiy siyosatga katta o’rin bergan.

KO’CHMAS MULK – yer, tabiiy hududlar va yer bilan bog’langan mulk. Yerga egalik huquqlari ham ko’chmas mulkka kiradi.

KLEYTONNING TRESTLARGA QARSHI QONUNI – AQSH Kongressi tomonidan 1914-yilda qabul qilingan qonun. Unda qaysi qonun hujjatlarini “Savdo erkinligini cheklash” deb hisoblash lozimligi ko’rsatib berilgan.

KLIRING NUQTA (MUVOZANAT NUQTASI) – bozorda talab va taklifning teng bo’lishi yoki talab bilan taklif chiziqlarining kesishish nuqtasi.

KELISHUV – nizoli holatda muvaffaqiyatli chiqishning eng muhim sharti.

KICHIK BIZNES – bozor iqtisodiyoti rivojlangan mamlakatlarda o’ziga mustaqil mayda korxonalarning daromad olish maqsadida amalga oshiradigan faoliyati.

KIRITILADIGAN XARAJATLAR – kelgusida daromad olib keladigan sotib olingan va mavjud bo’lgan resurslar.

KERI GENRI CHARLZ (1793-1879) – amerikalik iqtisodchi, “Manfaatlar uyg’unligi” (1872) asari muallifi. Shu g’oyaning tarafdori bo’lgan, millatlar uyg’unligi g’oyasini ilgari surgan, Rikardo va Maltusga qarshi chiqqan. Erkin savdoni rad etdi, … Read More

KENGASH – muayyan masalani muhokama etish va oqilona qaror qabul qilish maqsadida uyushtiriladigan majlis.

KELTIRILGAN NARXLAR – inflyatsiya sur’atiga moslab to’g’rilangan narxlar.