Bo'lim: K harfiga oid iqtisodiy ensiklopedik atamalar

KUPON – 1. Xazina majburiyatining, obligatsiyaning har yili daromad keltirib turadigan yirtma qismi. 2. Aksiyaga ilova qilib, dividendlar to’lash uchun mo’ljallangan varaq.

KUMULYATSIYA – bir qancha yirik sug’urta summali obyektlarning bitta sug’urta hodisasi tufayli zarar ko’rishi ehtimolligini nazarda tutuvchi sug’urta risklari yig’indisi.

KUNDALIK TALAB – har kuni yoki tez-tez sotib olinadigan va iste’mol qilinadigan tovarlarga bo’Igan talab.

KUCHLI JAMIYAT – mustahkam negizningbarqarorligi ta’minlangan, davlatning boshqaruvchilik faoliyati qisqarib, jamoat tashkilotlarining roli kuchaygan, fuqarolarning qonun asosida ularning huquq va erkinliklari oliy qadriyatlarga aylangan jamiyat.

KRIZIS (yunon. krisis – hal etish, oqibat).

KROSS KURS – bir mamlakat valyutasining ikkinchi bir mamlakat valyutasiga nisbatan USD orqali ifodalanadigan nisbati. Kross kurs xalqaro miqyosda keng qo’llaniladi. Uni, asosan, yirik kompaniyalar va korporatsiyalar qo’llaydi. Bu valyuta … Read More

KRITIK YO’L – eng ko’p davomiylikka ega, loyihaning boshidan oxirigacha bo’lgan ishlarning ketma-ketligi. Kritik yo’lda yotgan loyiha ishlari vaqt zaxirasiga ega emas.

KRITIK RISK ZONASI – yo’qotishlar bo’lish xavfi borligini ifodalaydi, olinadigan foydadan bir qismining biror jarayon uchun yo’naltirilganligi va shu mablag’larning qaytib kelishida xavf borligini ifodalaydi.

KREDITOR QARZDORLIK – korxona, tashkilot yoki muassasaning tegishli yuridik yoki jismoniy shaxslarga to’lanishi lozim bo’lgan pul mablag’lari bo’lib, ular me’yordagi (muddati o’tmagan) hamda muddati o’tgan qarzdorliklarga bo’linishi mumkin.

KREDITLASH TAKTIKASI – kredit jarayonida ko’zlangan maqsadga erishish uchun qo’llaniladigan moliyaviy va boshqa dastaklar majmuyidir.