Bo'lim: K harfiga oid pedagogikaga oid ensiklopedik atamalar

Kasb-hunarga yo’naltirish-o’quvchilarga muayyan kasb-hunar haqida ma’lumot berish orqali ularni shu kasbga qiziqtirish, yo’llash jarayoni.

Kasb-hunar ta’limi pedagogikasi – kasb-hunar kollejlari o’quv-tarbiya jarayoniga ixtisoslashgan pedagogika fanining alohida tarmog’i.

Kasb-hunar kolleji (KHK)-1) muayyan kasb-hunarni egallashga ixtisoslashtirilgan o’rta maxsus ta’lim muassasasi; 2) o’quvchilarning kasb-hunar moyilligini, layoqatlarini, bilim va ko’nikmalarini rivojlantirish, ularning tanlagan yo’nalishlari bo’yicha bir yoki bir necha zamonaviy kasb … Batafsil

Kasbiy o’z-o’zini aniqlash-shaxs fikrining tanlangan, o’zlashtirilgan yoki bajarilgan mehnat faoliyatida ifodalanishi.

Kasbiy ta’lim-muayyan sohaga oid ish faoliyatini shakllantirish va rivojlantirishga yo’naltirilgan ta’lim.

Kasbiy tarbiya-inson kasbiy madaniyatiga oid strategiya, usul, malaka, kasbiy-shaxsiy sifatlarni shakllantirish jarayoni.

Kasbiy tayyorgarlik-ta’lim oluvchilarning muayyan ish yoki ishlar majmuini bajarish uchun zarur malakalarni jadal egallash maqsadini nazarda tutadigan pedagogik jarayon.

Kasbiy tajriba-avlodlarning ijtimoiy tajribasini o’zlashtirish va ularni boshqaruv amaliyotida qo’llashni ta’minlab beruvchi tushunchalar tizimi bo’lib, rahbarning o’z faoliyati davomida fan-texnika yangiligiga, ilg’or tajribalarga tayanish hamda mazkur tajribalar asosida o’zining ko’nikma … Batafsil

Kasbiy motivatsiya-kasbga tegishli vazifalarni bajarish va kasb tanlashni belgilovchi, atrof, borliq omillari, kasbga yo’naltirishga oid faoliyat ta’sirida shakllanuvchi mayl.

Kasbiy mahorat-ta’lim jarayonida pedagogik strategiya, strategik maqsad va vazifalarni to’g’ri belgilash, qarorlar qabul qilish, ta’lim jarayonini loyihalashtirish, innovatsion-pedagogik faoliyatni tashkil etish, ta’limni boshqarish jarayoniga tizimli yondashuvlarni loyihalash texnologiyalarini joriy etish … Batafsil