Bo'lim: K harfiga oid qurilish atamalari

Ko’rsatkich – biror narsani ko’rsatadigan yozuv, yo’nalish belgisi, jihoz yoki boshqa qurilma.

Ko’rsatkich – har qanday ob’yekt, jarayon yoki uning natijasi, tushunchasi yoki ular xossalarining son shaklida ifodalangan umumlashgan xarakteristikasi.

Ko’rinish – tashqi ko’rinish, qiyofa ko’rinishi; holat.

Ko’rinishxona – saroydagi maxsus qabulxona.

Ko’rinish (uslub, qiyofa) – (lotincha: factura ishlanma, qurilma) ob’yekt sirtining tabiati, uning relyefi.

Ko’rinish (shakl, tasvirga oid) – ob’yektni chegaralovchi chiziq orqali hosil bo’lgan narsaning bir turi. Masalan: bo’rtiq shakl, tashqi chegara shakli, egri chiziqli ko’rinish, ko’p burchakli tasvir va hokazolar.

Ko’rik (tekshiruvga oid) – nazorat tartibida ko’rmoq, tekshirib chiqmoq. Masalan: texnikaviy nazorat ko’rigi, navbatlararo ko’rik va hokazolar.

Ko’rib chiqmoq – ko’zdan kechirmoq, nazar solmoq, qaramoq, tekshirmoq, nazorat qilmoq.

Ko’rgazma – ko’rish uchun biror joyda joylashgan ba’zi ob’yektlar to’plami, shuningdek, ular to’plangan joy.

Ko’pchish (ko’pchigan) – muayyan harakat, hodisalar asosida shishish, achishish, ko’pchish ma’nosini anglatadi. Masalan: ko’pchigan tuproq.