Bo'lim: K harfiga oid qurilish atamalari

Keraga – o’tovning chetanga o’xshatib ishlangan yog’och devori.

Keramzit – g’ovak tuzilishiga ega, yengil granulali material, gilli jinsni yengil eritib pishirib olinadi; graviy (granulalar 5 dan 40 mm.gacha) va qum ko’rinishida (donalari 5 mm.dan kichik); keramzit-beton uchun to’ldiruvchi … Batafsil

Kep – shakl, surat.

Kent – katta qishloq, shahar, aholi yashaydigan katta manzil. Toshkent, Chimkent, Mankat, Axsikat, Samarqand kabi nomlarda kentning uch xil ko’rinishi mavjud. Markaziy Osiyo toponimikasi va shaharsozligi tarixida kent-kat bilan bog’liq … Batafsil

Kengaytirish (kengayish) – hajmning, ko’lamning oshishi. Masalan: quvurning chiziqli kengayishi, hajmiy kengayish, qoziq asosini kengaytirish, nisbiy ko’ndalang kengayish, xonani kengaytirish, ko’ndalang kengayish, qotayotganda kengayish, fazoviy kengayish, issiqdan kengayish, elastik kengayish, … Batafsil

Kenglik (en) – 1) ob’yektning uzunligi, bir xil chiziq yoki tekislikda va bir-biridan eng kam (uzunlikdan farqli o’laroq) masofada joylashgan ikkita chetki nuqta orasidagi masofa; 2) narsaning kengligi, bo’yiga nisbatan … Batafsil

Kengaytirgich idish (bak) – suv bilan isitish yopiq tizimida, uning eng katta ishchi haroratigacha isiganda paydo bo’ladigan ortiqcha suv hajmini qabul qiladigan rezervuar.

Kengaytirgich – 1) biror narsani kengaytirish, hajmini oshirish uchun qurilma; 2) asosiy burg’ulash asbobi kengligidan kattaroq diametrli quduqlarni olish uchun ishlatiladigan burg’ulash asbobi. Masalan: burg’u qudug’i kengaytirgichi.

Keng hajmli (keng ko’lamli) – hajmi, kattaligi, o’lchamlari bo’yicha katta bo’lgan.

Keng qulochli (keng oraliqli) – katta oraliq masofaga ega (qurilish konstruksiyalari, inshootlari haqida).