Bo'lim: M harfiga oid geografiyaga oid ensiklopedik atamalar

Muzlik qo`li – vodiy muzligiga yon vodiylardan kelib qo`shilgan muzlik – vodiy muzligi irmog`i. Agar yon vodiy balandroq bo`lsa, muzlik qo`li asosiy muzlikka qo`shilish joyida muzlik sharsharasini hosil qiladi.

Muzlik sirki – tog`larning tepa qismidagi bir yog`i ochits tovoqsimon tabiiy chuqurlik. Sovuqdan nurash natijasida hosil bo`ladi. Kar deb ham yuritiladi. Ichida ko`pincha muz yig`ilib yotadi.

Muzlik tili – tog` muzligining qor chizig`idan pastga tushib kelgan tarmog`i.

Muyna– muynali hayvonlar (sobol, suvsar, oqsichson, sassiqqo`zan, tulki, qo`yon, norka, bobr, qunduz, ondatra, nutriya, sug`ur, yumronqoziq va b.) va bu hayvonlarning terisi.

Muzlik davrlari – Yerning geologik tarixida quruqlikni qalin muzliklar qoplab yotgan bosqichlar. Kembriydan oldin, paleozoy va kaynozoy eralarida muzlik davrlari bo`lib o`tgan. Masalan, Yevropa va G`arbiy Yevropaning kattagina qismini bir … Batafsil

Muz g`ori – devorlari, tagi, shipi muz kristallari, muz sumalaklar bilan qoplangan g`or. Bunday g`orlar ichida havo harorati yil bo`yi 0 darajadan past turadi va tog`larning baland qismlarida, salqin, sovuq … Batafsil

Muz dalalari – dreyf sylib (sekin suzib) yuradigan muzlardan eng yiriklari, diametri 10 km va undan ham katta bo`lishi mumkin. Ko`p yillik muz dalalarning qalinligi 3-4 m ga yetadi.

Muz — suvning qattiq, kristall holati. Tog`lardagi muzliklarni ham mahalliy aholi muz deydi. Sovuq ma’nosida ham ishlatiladi. Tog` nomlari tarkibida uchraydi: Muztog`, Muztog`ota va h.k.

Muvozanat profili – uzoq vaqt davomida suv yuvib borishi natijasida daryo tubidagi notekisliklar tekislangan o`zanning bo`ylama kesimi.

Morfostruktura– reylef hosil qiluvchi endogen va ekzogen omillarning birgalikdagi ta’sirida, biroq, endogen omilning yetakchi roli ta’sirida vujudga kelgan yirik reylef shakllari: ayrim tog` zanjirlari, tizmalar, tog` vodiylari, qirlar, platolar, pasttekisliklar … Batafsil