Bo'lim: M harfiga oid qurilish atamalari

Mehrob – masjid ichida uning qibla tomonidagi devor ichiga ishlangan ravoq shaklli joy, sajdagoh. Makka shahridagi Ka’ba tomonga yo’naltirib ishlanadi. Mehrob yarim aylana, ko’p qirrali, to’g’ri to’rtburchak shaklda ishlanib, tepasi … Batafsil

Mehmonsaro – maxsus qurilgan hashamatli mehmonxona.

Mehvar – o’q, aylanish o’qi. Markaziy chiziq.

Mehnat muhofazasi – insonga mehnat jarayonida xavfsizlikni, sog’liq va ishlash qobiliyatini saqlashni ta’minlovchi sharoitlarni yaratish bo’yicha, qonunchilik, ijtmoiy-iqtisodiy, tashkiliy, texnikaviy tadbirlari tizimi.

Mehnat sarfi – ish/vazifa qiymati = sa’y-harakatlar (Effort). Ish yoki loyihaning boshqa elementini bajarish uchun zarur bo’lgan xarajat. Odatda, odam-soat, odam-kun yoki odam-haftada ifodalanadi. Ishning murakkabligini uning davomiyligi bilan aralashtirmaslik … Batafsil

Mehnat jarayonlari xaritasi – ishlab chiqarish operatsiyalari va ularni bajarish usullari, shartlari va ashyoviy-texnikaviy ta’minotini aniqlovchi ma’qul va barqaror texnologiyasini o’rnatuvchi hujjat.

Mehnat manbalari muvozanati – xalq xo’jaligining mehnat manbalariga bo’lgan talablariga nisbatan, aholi guruhlarining ijtimoiy holati va ashyolariga qarab, umumiy sonini tavsiflovchi ko’rsatkichlar tizimi.

Mexanik kuchlanish – qurilma elementlarida tashqi kuch va ta’sirlar natijasida paydo bo’luvchi ichki kuchlar o’lchovi.

Mexanizm – (qadimgi yunoncha-qurilma) mashina, qurilma, apparatni harakatga keltiruvchi ichki qurilma. Mexanizm bo’g’inli bog’lanishlarning yopiq ketma-ketligi bo’lib, ulardan kamida bittasi ishni qo’llash uchun va kamida bitasi (yetakchi) foydali ish olish … Batafsil

Mexanik arra – ichki yonish dvigateli bilan ishlaydigan qo’l zanjirli arra, odatda, ikki zarbli bo’ladi.