Bo'lim: M harfiga oid qurilish atamalari

Minbar – 1) masjid to’rida, mehrob yoniga o’rnatilgan baland ko’tarilgan maxsus joy; 2) supa, ma’ruzachi uchun minbar; tomoshabinlar, jamoatchilik uchun zinapoyali, o’tirgichli baland inshoot (masalan, stadion).

Milliy bog’ – respublik miqyosidagi tabiiy bog’. Atrof-muhitni muhofaza qilish maqsadida inson faoliyati cheklangan, alohida muhofaza etiladigan tabiiy hudud.

Modifikatsiyalash – yog’och mahsulotlarining ekspluatatsiya sharoitlariga nisbatan yog’ochning fizik-mexanik, termofizik, tribotexnik, biokimyoviy xususiyatlarining yo’naltirilgan o’zgarishi.

Modifikatsiyalangan bitum – bir yoki bir necha kimyoviy omil (agent)larni qo’llash yo’li bilan sifat ko’rsatkichlari yaxshilangan (modifikatsiyalangan) bitum. Modifikatsiyalangan bitum “asl holatda” yoki suyultirilgan neft mahsuloti, mastika yoxud emulsiya ko’rinishida … Read More

Modul – binolar va ularning qismlari o’lchamlarini karrali nisbatini ifodalash uchun dastlabki o’lchov. Masalan: shakl o’zgarish moduli, gruntning ko’pchish moduli, umumiy shakl o’zgarish moduli, hajmiy qayishqoqlik moduli va hokazolar.

Mozaika – har xil materiallardan foydalanib bajariladigan devor, gumbaz yoki pol yuzasiga, mastika yoki eritma bilan mahkamlanadigan tasvirni to’liq qoplaydigan bezak yoki lavha kompozitsiyasi (inkrustatsiya va intarsiyadan farqli ravishda fon … Read More

Mola – loy kesishda ishlatiladigan yog’och pichoq.

Moyillik – biror narsaga moyillik. Masalan: yonishga moyillik.

Mozaikali parketning yuza tarafi – mozaikali parketning yedirilish qatlamining tashqi yuzasi.

Mozaikali parket – pol qoplamasining kvadrat yoki to’g’ri to’rtburchak shaklidagi elementi bo’lib, u qog’oz yoki boshqa elastik materialga parket taxtachalarini yelimlash orqali hosil qilingan to’shama.