Bo'lim: M harfiga oid tarixga oid ensiklopedik atamalar

Muslim (arabcha-o’zini Allohga bag’ishlagan, Musulmon-islom diniga e’tiqod qilgan shaxs. Muslimning ko’plik shakli (muslimun) buzib talaffuz qilinishi tufayli Eronda “musalmon”, O’rta Osiyoda “musulmon”, Rossiyada “basurman” atamalari kelib chiqqan.

Musnad (arabcha-asoslangan, dalillangan, ya’ni isnodga asoslangan)-hadis to’plamlarining ilk turi. Musnadda, musannafdan farqli o’laroq, hadislar ularni bir-biridan eshitgan shaxslar silsilasiga asoslangan (har bir hadis uni xabar qilgan shaxsning ismi bilan bog’langan) … Batafsil

Musannaf (arabcha-tanlab olingan, tanlangan)-hadis to’plamlarining maxsus turi. Unda hadislar musnad turidagi to’plamlardan farq qilgan holda mavzular bo’yicha to’plangan bo’ladi. Shuning uchun ma’lum soha yoki mavzuga oid hadisni qidirib topish Musannaf … Batafsil

Murshid (arabcha-yo’l ko’rsatuvchi)-tasavvufda tariqat odoblaridan saboq beruvchi pir, shayx va ustoz.

Murtad (arabcha-orqaga qaytgan, chekingan)-islom tarixida dindan qaytgan, undan voz kechgan odam.

Murchil (turkcha)-jangovar tartib; Amir Temur armiyasi harbiy yurishga otlanganda, mavjud intizom va qoidaga bo’ysunilgan. Murchilga binoan har bir sarkarda o’z bo’linma yoki qismlari bilan egallab turgan mansabiga ko’ra safdan o’rin … Batafsil

Mursal ziro’i (arabcha az-zira al-mursala)-49,875 santimetrga teng uzunlik o’lchovi.

Mursak (arabcha-ziynatlangan, bezatilgan), murassa-avra-astarli, un yengli, qadimgi ustki kiyim. Bichig’i to’g’ri bichimli, to’n yoqali, oldi chuqurroq o’yilgan, etak barlari bir-biriga kirgan, ikki yon tomonida mayda burmalarga yig’ilgan. Mursak chetlari jiyaklar … Batafsil

Murofaa (arabcha-sudlashish)-1) qozixonada jinoiy yoki fuqarolik ishining ko’rilishi; 2) dodlashuv, olishuv.

Murid (arabcha-ergashuvchi)-pir yoki eshon (murshid)ga qo’l berib, sufiylik yo’liga kirgan shaxs. Tasavvufda tariqat murshidlaridan dars oluvchi shogird ma’nosida ishlatiladi. Murid-murshidlik munosabatlari Muridning o’z piriga so’zsiz itoat etishi, xizmat qilishi va … Batafsil