Bo'lim: O harfiga oid geografiyaga oid ensiklopedik atamalar

Oriyentirlash, oriyentir olish – joyda gorizont tomonlarini topa bilish. Quyosh, yulduz, joydagi alomatlarga qarab va kompas yordamida oriyentir olinadi.

Oraliq zona – yerning eng yirik global morfostrukturalaridan biri, materikning suv ostidagi cheti bilan okean qa`ri o`rtasida joylashgan.

Olchin – O`rta Osiyoda amal qilgan o`lchov birligi, taxminan 60 sm bo`lgan.

Olam qutblari – olam o`qi bilan osmon sferasining kesishgan nuqtalar. Olam qutblarida osmon jismlari joylashmagan, lekin olamning shimoliy qutb yaqinida(1 daraja uzoqda) qutb yulduzi bor.

Oltingugurt – tug`ma element holida uchraydigan mineral. Aksari cho`kindi konlarda uchraydi. Oltingugurt asosan sulfat kislota olish uchun ishlatiladi. Oltingugurt konlari: Ukraina, O`rta Osiyo, AQSh, Meksika, Italiya, Yaponiya.

Olish – suvayirg`ich, to`g`on boshi, katta ariq, soy, daryolardan suv chiqarish uchun ochilgan joy. Obikor yerlarda uchraydi.

Okean sahrosi – janubiy tropik zona-suv yuzasida juda kam organizmlar rivojlangan. Okean qirg`oqsiz dengiz degani.

Orsa – 1) geografik predmetlarning geografik o`rnini, ya’ni boshqa bir predmetdan keyinda, narida joylashganini bildiradigan so`z. Geografik nomlar tarkibida uchraydi. Orqa Oloy, Orqa tog` va h.k.; 2) orqa tomon, sirt, … Read More

Oriyentirlash – Yer yuzidagi ma`lum bir joyga nisbatan noma`lum bo`lgan joyni aniqlash.

Orol (turklarda – ada)- hamma tomondan suv bilan o`ralgan kichikroq quruqlik. Orollar to`dasi arxipelag deyiladi. Orollar materik orollari, vulkan orollari va marjon orollariga bo`linadi.