Bo'lim: O’ harfiga oid pedagogikaga oid ensiklopedik atamalar

O’z-o’zini idora qilish-insonning o’z psixologik va fiziologik holati, xatti-harakatini boshqarish jarayoni.

O’z-o’zini boshqarish-jamoaning ijtimoiy ahamiyatli maqsadga erishish uchun yechimlarni tanlash va qabul qilishda jamoa a’zolari mustaqilligining takomillashuvini nazarda tutuvchi hayotiy faoliyatining tashkiliy-demokratik shakli.

O’z-o’zini baholash-(o’z faoliyatini baholash) o’qituvchiga o’z faoliyati to’g’risida axborot (tajriba)ni jamlashga yordam beruvchi jarayon.

O’zlikni anglash-insonni o’z-o’zi, o’z shaxsiy sifatlarini anglashi.

O’zlashtirish-o’quv dasturiga muvofiq ta’lim mazmunining o’zlashtirilganlik darajasi.

O’zgaruvchanlik-ta’lim sifati va mazmunini tezkor va uzluksiz yangilab borish, o’quv materiallari va darsliklarni modernizatsiya qilishni ta’minlash jarayoni.

O’zbekiston tarixi Davlat ta’lim standarti-O’zbekiston tarixi ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

O’zbekiston Respublikasining o’rta maxsus, kasb-hunar ta’lim standartlari tarmoq tizimi-o’rta maxsus, kasb-hunar ta’limi chuqurlashtirilgan umumta’lim predmetlari bo’yicha va amaliy-nazariy ta’limning asosiy mazmunini ifodalaydigan kasblar, mutaxassisliklar bo’yicha kasbiy tayyorgarlikning so’nggi maqsadlarini belgilaydigan … Read More

O’zbekiston Pedagogika akademiyasi-ishchilar fakultetlari, texnikumlar uchun umumiy fanlardan dars beradigan pedagogik kadrlar tayyorlaydigan o’quv yurti.

O’zbekiston ko’zi ojiz va zaif bolalarni hamda yoshlarni reabilitatsiya qilish bo’yicha “Panoh shu’lasi” jamg’armasi-Ko’zi ojiz hamda zaif bolalarni reabilitatsiya qilish va jamiyatdagi mustaqil hamda to’laqonli hayotga qaytarishga qaratilgan jamg’arma turi.