Bo'lim: O harfiga oid pedagogikaga oid ensiklopedik atamalar

Ona tili Davlat ta’lim standarti-ona tili ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Ona tili va adabiyot xonasi-ona tili va adabiyot fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Omilkorlik-muayyan kasb doirasida qo’llaniladigan belgilangan standartga amal qilish layoqati.

Olmon tili o’qitish metodikasi-1) olmon tili ta’limi nazariyasi hamda metodikasi bo’yicha talabalarda muayyan bilim, ko’nikma, malakalar hosil qilishga yo’naltirilgan o’quv fani; 2) olmon tili o’qitish metodikasi xususiy pedagogikaning alohida tarmog’i.

Olmon tili Davlat ta’lim standarti-olmon tili ta’lim mazmuni va ushbu o’quv predmeti bo’yicha o’quvchilar egallaydigan bilim, ko’nikma, malakalarga qo’yilgan talablarni davlat tomonidan tasdiqlangan etaloni, modeli.

Olmon tili va adabiyoti xonasi-olmon tili fanini o’qitishda dars va darsdan tashqari mashg’ulotlarni samarali tashkil etishga qaratib maxsus jihozlangan o’quv xonasi.

Oligofrenopedagogika-pedagogika fanining aqli zaif bolalarni o’qitish nazariyasi va metodikasini yaratish bilan shug’ullanadigan sohasi.

Oliy o’quv yurtidan keyingi ta’lim-jamiyatning oliy malakali ilmiy va ilmiy-pedagog kadrlarga bo’lgan ehtiyojlarini qondirishga, shaxsning ijodiy ta’lim-kasb-hunar manfaatlarini qanoatlantirishga qaratilgan ta’lim turi.

Oliy ta’limdan keyingi ta’lim-jamiyatning yuksak toifaga ega bo’lgan ilmiy, ilmiy pedagogik kadrlarni ta’minlashga yo’naltirilgan ta’lim jarayoni.

Oliy ta’lim Davlat ta’lim standarti-oliy ta’limning davlat tomonidan tasdiqlangan modeli, etaloni, namunasi hamda ta’lim mazmunining maksimum darajasi va unga qo’yilgan minimum talablar.