Bo'lim: P harfiga oid pedagogikaga oid ensiklopedik atamalar

Pedagogik diffuziya-ilgari o’zlashtirilgan va qo’llanilgan pedagogik innovatsiyalarning yangi shart-sharoitlarga moslashgan holdakeng yoyilishi.

Pedagogik guruh (jamoa) – muayyan belgi pedagogik ixtisoslik birligiga asoslangan faoliyat ko’rsatuvchi pedagoglar jamoasi.

Pedagogik geneologiya-konkret shaxs tarbiyasiga uning empirik asosi (nasl-nasabi) ni bilgan holda qarashni talab etuvchi yondashuv.

Pedagogik gazeta-xalq ta’limi nazariyasi va amaliyotini aks ettiruvchi qisqa davriy nashr.

Pedagogik vosita-borliqning pedagogik faoliyat instrumentlari sifatida qo’llaniladigan moddiy va ma’naviy qismlari.

Pedagogik bibliografiya-pedagogik asarlar tavsifi, tasnifi, ularni izlab topish metodikasi, ularga annotatsiya berish va izohlashni o’rganadigan bibliografiyaning alohida tarmog’i.

Pedagogik bashorat-pedagogika fanining ayti paytda noma’lum, lekin kelajakda yuzaga kelishi yoki o’rganilishi mumkin bo’lgan holatlari, jarayonlarini ilmiy qonuniyatlar asosida oldindan aytib berish, ko’ra olish.

Pedagogik atamashunoslik-1) ta’lim-tarbiya amaliyoti va nazariyasida qo’llaniladigan maxsus nomlar, atamalar, vositalar majmui; 2) pedagogikani fan sifatida ifodalaydigan asosiy tushuncha va atamalar majmui.

Pedagogik antropologiya-o’quvchining biologik tabiatini o’rganadigan pedagogikaning alohida tarmog’i.

Pedagogik antologiya (yunoncha-anthos – gul va lego – teraman) – bir guruh muallif pedagog va o’qituvchilarning tanlab olingan asarlari.