Bo'lim: P harfiga oid qurilish atamalari

Parapet – 1) balkon, ko’prik, sohil, bino tomi va boshqalarni to’suvchi baland bo’lmagan devor; 2) tom, balkon, ko’prik, sohil bo’ylab (to’siq sifatida) o’tadigan baland bo’lmagan yaxlit devor; arxitekturaviy inshootning burama … Batafsil

Paraboloid – parabolaning o’z o’qi atrofida aylanishidan hosil bo’lgan sath.

Pantograf (masshtabni o’zgartiruvchi asbob) – reja, xarita va boshqalarni, odatda, kichikroq miqyosda qayta chizishga xizmat qiladigan qurilma.

Penogips – yacheykali (g’ovakli) beton turi bo’lib, unda gips bog’lovchi modda sifatida qo’llanadi.

Penka – bir yillik o’t ko’rinishidagi o’simlik (zig’ir, kanop) poyalaridan olinadigan dag’al po’stloqli tola. Maishiy va texnik vazifalarni bajaruvchi matolar to’qishda qo’llanadi, ulardan eshilib ishlanadigan materiallar-shpagatlar, arqonlar, kanatlar tayyorlashda foydalaniladi.

Parket pol sirtini silliqlash – daraxt pol sirtidan eski himoya qoplamasini (lak yoki moy) olib tashlaydigan va jilvirlash mashinasi, pol tekisligini ta’minlaydi; yog’och yuzasi himoya qobig’ini olib tashlaydi, chunki yog’och … Batafsil

Parket pardozlaydigan – parket pollarini charxlash, qirqish, silliqlash yoki jilvirlash uchun almashtiriladigan ishchi korpusli mashina.

Parket – polni qoplash uchun ensiz va uzunchoq taxtacha ko’rinishidagi material. Parketlar asosan, eng qattiq yog’ocha navlari (eman, qayin, qora qayin, chinor va hokazolar)dan tayyorlanadi. Parketlar turar-joy va jamoat binolar … Batafsil

Parket silliqlaydigan – parketni, shpuntlangan yoki parket taxtalarni, boshqa tabiiy yog’och qoplamalarni silliqlash. Ushbu operatsiya materialdan yupqa yo’qotish va sirtni keyingi ishlov berish uchun tayyorlash imkonini beradi.

Parketchi – bino va inshootlarni qurish hamda ta’mirlash jarayonida parket pollarni o’rnatish, turli xil qoplamalar uchun zamin asoslarini tayyorlash, taxta va yog’ochga asoslangan sanoat materiallaridan yasalgan pollarni o’rnatish bo’yicha ishlarni … Batafsil