Bo'lim: P harfiga oid tibbiyot atamalari

Periarteriit nima degani – arteriyalar devori o’rta va tashqi qavatining shikastlanishi.

Parsha nima degani – zamburug’li kasallik; boshning sochli qismiga, tirnoq va badanning silliq terisiga zarar yetkazadi.

Periadneksit nima degani – bachadon ortiqlarini qoplab turadigan qorinparda yallig’lanishi.

Periadenit nima degani – 1) limfatik tugunlar seroz pardasining yallig’lanishi; 2) biror bez atrofidagi to’qimalarning yallig’lanishi.

Perelom(i), suyak sinishi nima degani – suyakning butunligi buzilishi bilan bog’liq shikastlanishi.

Pastoznost nima degani – to’qimalardagi bilinear-bilinmas oqargan “xamirsimon” shishda teri va teri osti to’qimalarining elastikligi kamayadi.

Perelivaniye krovi, qon quyish nima degani – davo maqsadida bemor (retsepiyent)ning qon tomiriga donor qonini yoki platsenta qonini yuborish.

Peregorodka, o’rta devor nima degani – ikki xona yoki bo’shliqni bir-biridan ajratib turuvchi devor.

Pepsin nima degani – me’da shirasining asosiy proteolitik fermenti; proteinazalar guruhiga kiradi. Oqsillarni polipeptidlargacha parchalaydi.

Pelviosellyulit nima degani – chanoqdagi barcha biriktiruvchi to’qimalarning yallig’lanishi.