Bo'lim: P harfiga oid tibbiyot atamalari

Purpura nima degani – teri va shilliq pardalarda paydo bo’ladigan pushti rang toshma, mayda-mayda qon quyilgan joylar.

Pupok, kindik nima degani – chaqaloqlarda kindik tizimchasining qoldig’i tushib ketganidan keyin qoladigan chandiq (tug’ilgandan so’ng 5-7 kuni).

Pulpa nima degani – 1) tish bo’shlig’ini to’ldirib turadigan yumshoq biriktiruvchi to’qima; 2) taloqning asosiy massasi.

Ptoz nima degani – yuqori qovoqning ko’tarilmasligi, uni ko’tarib turuvchi mushaklar funksiyasining buzilishi oqibatida osilib qolishi.

Psoriaz, qichimalar kasalligi, qichiqli temiratki nima degani – yuqmaydigan vaqti-vaqti bilan kuchayib, zo’rayib turadigan teri kasalligi.

Psixotrop vositalar nima degani – asosan psixikaga ta’sir etadigan dorilar guruhi; ruhiy kasalliklarni davolashda ishlatiladi.

Psixoterapiya nima degani – gipnoz, ishontirish bilan davolash usuli.

Psixopatologiya nima degani – ruhiy kasalliklar haqidagi umumiy ta’limot.

Psixasteniya nima degani – ruhiy zaiflik; ikkilanish, qo’rqish, miyaga o’rnashib qolgan fikrlarga moyillik bilan ifodalanadi.

Psevdomenstruatsiya, soxta hayz nima degani – chin hayz bo’lmasa-da, hayz kutayotgan vaqtda qon ketishi.