Bo'lim: Q harfiga oid qurilish atamalari

Qo’sh g’ildirakli – ikki g’ildirakdan tashkil topgan.

Qo’sh bo’lmali – ikki bo’lmadan tashkil topgan.

Qo’noqxona – musofirxona, mehmonxona; yo’lovchi tunaydigan uy.

Qo’ra – 1) atrofi devor bilan o’ralgan hovli-joy, ihotali o’ram; 2) hayvonlar saqlanadigan joy, manzil.

Qo’nolg’a – qo’nar joy, manzilgoh, turar joy, kulba, maskan.

Qo’ng’iroq – 1) metall qo’ng’iroq, shuningdek, ovozli signallar uchun qurilma; 2) tovush, qo’ng’iroq yoki qurilma ishlab chiqaradigan ovozli signal. Masalan: eshik qo’ng’irog’i.

Qo’mma – ustma-ust rang berib pishirilgan sirli sopol.

Qo’llashlik (tatbiq etishlik) – biror narsadan foydalanish, ishlatish imkoniyati.

Qo’llash (tatbiq qilish) – biror narsani ishda, amalda qo’llash yoki ishlatish.

Qo’l yuvgich – qo’l va yuzni yuvish uchun mo’ljallangan maxsus mahkamlangan suvli idish.