Bo'lim: Q harfiga oid qurilish atamalari

Qurilish-yig’uv (montaj) ishlari – bino va inshootlar barpo etilayotganda bajariladigan umumqurilish, pardozlash, sanitariya-texnikaviy, maxsus hamda yig’uv ishlarini o’z ichiga olgan ishlar majmuasi.

Qurilishning moliyaviy rejasi – muayyan yil uchun besh yillik rejaning vazifalari va iqtisodiy normativlari, titul ro’yxatlari va buyurtmachilar bilan tuzilgan shartnomalar asosida ishlab chiqiladi.

Qumganch (qumgach) – qum va ganch aralashmasidan iborat qorishma, shu aralashma asosida qilingan qora suvoq.

Qumdon (qumtosh) – 1) siqilgan qumdan iborat cho’kindi jins; 2) qumli kichik maydon yoki qumli quti. Masalan: qurigan qumtosh, ganchli qumtosh, loyli qumtosh, sun’iy qumtosh, yaltiroq qumtosh va hokazolar.

Qum elak – ham mustaqil ravishda, ham beton aralashtirish agregatlari, qurilmalari va zavod texnologik liniyalari tarkibida foydalanish mumkin bo’lgan qum elash uchun qurilma. Masalan: titrama qum elak.

Qum tutgich (qum yuvgich) – oqava suvlarni tindirish yo’li bilan kichik og’irroq mineral zarralarni (qum, cho’kma, singan shisha va bohqalar) ajratib olishda ishlatiladigan mexanik tozalash qurilmasi. Qum tutgichlar oqava suyuqlikni … Read More

Qum-shag’al yuvgich – katta diametrli egimli aylanadigan baraban, unga suv beriladi. Qum-shag’al yuvgich maydalangan tosh, qum va shag’al aralashmalarini ifloslantiruvchi moddalardan yuvish uchun mo’ljallangan.

Qulf (to’siq) – turli asboblar, mashinalar, o’qotar qurol va boshqalar uchun mexanizm, qulflash moslamasi. Masalan: darvoza halqasi, eshik qulfi, to’g’on to’sig’i, boshqaruv to’sig’i, binokorlik to’sig’i va hokazolar.

Qurilishni tashkil qilish loyihasi (QTL) – qurilish umumiy va oraliq muddati davomiytligini, mablag’ ajratish va qurilish-montaj ishlari hajmini, moddiy-texnikaviy va mehnat manbalari, ularni qoplash, qurilish-montaj ishlarini bajarishning asosiy usullari va … Read More

Qumli loy – loy va ko’p miqdordagi qumdan iborat tuproq.