Bo'lim: R harfiga oid pedagogikaga oid ensiklopedik atamalar

Ritor maktabi (notiqlik san’ati maktabi)-1) Yunoniston va Rimda keng yoyilgan oliy gumanitar maktab; 2) 3 bosqichli ta’lim tizimining yuqori cho’qqisi; 3) siyosiy arboblar va notiqlar tayyorlovchi o’quv muassasalari.

Ritor (yunoncha Ritor-notiq) – 1) qadimgi yunon va rimliklarda notiqlikdan dars beradigan o’qituvchi; 2) balandparvoz, lekin mazmunan sayoz iboralardan iborat nutq so’zlovchi “notiq”.

Ritmik gimnastika-musiqa jo’rligida bajariladigan jismoniy mashqlar tizimi.

Rivojlantiruvchi ta’lim-o’quvchi yoki talabaning ta’lim vositasida bir sifat bosqichidan ikkinchisiga o’tishini ta’minlovchi jarayon; 2) har bir o’quvchining imkoniyatini hisobga olgan holda o’qitish jarayoni.

Rivojlanish-individning tug’ilganidan boshlab hayotining so’ngigacha davom etadigan shakllanish jarayoni.

Refleksiya-1) fikrlash, o’z-o’zini nazorat qilish; 2) o’zining shaxsiy harakatlari va ularning qonun-qoidalarini fikrlashga yo’naltirilgan inson faoliyatining nazariy shakli; 3) o’z ruhiy holati haqida o’ylash, xayol surish, fikr yuritish, uni tahlil … Read More

Respublika o’quvchilar saroyi-O’zbekiston Respublikasi Xalq ta’limi vazirligi tasarrufidagi maktabdan tashqari ta’lim muassasasi. 1935 yil iyunda tashkil etilgan.

Respublika markaziy pedagogika kutubxonasi-ta’lim-tarbiyaga oid ilmiy nashrlar fondiga ega bo’lgan madaniy-oqartuv muassasasi.

Respublika ilmiy-pedagogik konferentsiyasi-Respublika ta’lim-tarbiya sohasi vakillarining muayyan ilmiy-pedagogik masalani muhokama qilish uchun yig’ilish.

Respublika ilmiy-amaliy pedagogik konferentsiyasi-Respublika ta’lim-tarbiya sohasi vakillarining muayyan ilmiy-amaliy pedagogik masalani muhokama qilish uchun yig’ilish.