Bo'lim: R harfiga oid pedagogikaga oid ensiklopedik atamalar

Respondent-pedagogik tajriba-sinov jarayoniga jalb etilgan ta’lim sub’yektlari.

Reproduktiv ta’lim-tipik vaziyatlarda biror ish-harakatni oldindan bilib olingan qoidalar asosida bajarishga asoslangan o’quv jarayoni.

Reproduktiv metod-namunaga qarab o’quv materialini o’zlashtirish metodi.

Reproduktiv-o’zlashtirish darajasida bir turdagi masala yoki mashqlar (savollar)ni namunaga (tayyor yechib ko’rsatilgan) qarab yechish usuli.

Repititorlik-o’qishdan orqada qolgan o’quvchini darsdan tashqari qo’shimcha o’qitish.

Rejalashtirish-pedagogik tahlil natijalariga tayangan holda o’quv-tarbiya jarayonini loyihalashtirish yoki muhim hukm chiqarish.

Rag’batlantirish-o’quvchi xulqini ijobiy baholash, uni ruhlantirishga asoslangan ta’lim-tarbiya metodi.

Ratsionalizm-bilimlarning manbai va ularning to’g’riligining mezoni aqldir, deb da’vo qiluvchi oqim.

“Rasmlarni to’g’ri joylashtir” metodi-didaktik ta’limiy o’yin turi.