Bo'lim: S harfiga oid biologiyaga oid ensiklopedik atamalar

Stop kodonlar, ifodasiz kodonlar – hech bir aminokislotani ifodalamaydigan kodonlar. Ular polipeptid zanjir sintezini to’xtatish vazifasini bajaradi.

Stigma, dog’, ko’zcha – fototaksis xususiyatiga ega ko’pchilik bir hujayrali organizmlarning yorug’lik sezuvchi a’zosi, qizil dog’cha. Masalan, xivchinlilarda.

Stimulatorlar, o’sish stimulalorlari, о’ sishni tezlashtiruvchilar – juda kam miqdordagisi o’simliklarning o’sishini tezlashtiruvchi moddalar. Yuqori dozada esa, aksincha, o’sish jarayonini sekinlashtiradi.

Steroidlar – hayvon уа o’simliklarda uchraydigan tabiiy organik birikmalar sinfi. Bularga o’t (safro) kislotalar, jinsiy gormonlar kiradi.

Steroid gormonlar – odam уа hayvonlar hayot faoliyatini nazorat qiluvchi уа modda almashinuvi jarayonini boshqaruvchi bir guruh fiziologik faol moddalar. Masalan, jinsiy gormonlar.

Stеrillik (o’simlikda), bepusht o’simliklar – urug’ hosil qilish xususiyati qisman yoki to’liq yo’qolgan o’simliklar.

Spetsifiklik, termentlarning о’ziga xosligi – fermentlarning faqat bitta yoki bir-biriga o’xshash bir guruhdagi reaksiyalarni katalizlash xususiyati.

Spermiy – 1) spermatozoidning ауnаn o’zi; 2) urug’li o’simliklarning erkaklik jinsiy hujayrasi.

Spermatozoid – yetilgan erkak hujayra; odatda, u boshcha, bo’yin, tana уа dum (xivchin)dan iborat bo’lib, juda harakatchan. Xromosomalar gaploid to’plamiga ega.

Spermatogoniy, pusht hujayra – spermatogenezning birinchi bosqichidagi erkak jinsiy hujayralari.