Bo'lim: S harfiga oid biologiyaga oid ensiklopedik atamalar

Solod, don shirasi – maysa holigacha o’stirilgan donlardan ajratib olinadigan shira. Amilaza va maltaza fermentlari ko’p miqdorda bo’ladi va ular ta’sirida kraxmal glukozagacha parchalanadi. Sumalak, pivo, kvas kabilar tayyorlashda ishlatiladi.

Somatik duragaylash – o’simlik va hayvonlarning ikki va undan ortiq somatik hujayralarining yoki somatik hujayralari protoplastlarining bitta hujayra hosil qilib qo’shilishi. Biotexnologik va gen muhandisligi tadqiqotlarida keng qo’llanilmoqda.

Solanin – tomatdoshlarga mansub o’simliklar (ayniqsa, kartoshka)ning turli qismlarida uchraydigan glikozid.

Soch, tuklar – sut emizuvchi hayvonlar va odam teri epidermiyasining hosilasi, shox (mo’guz) simon moddali iplar.

Soch ildizi – sochning teriga botgan qismi.

Smolalar, tabiiy smolalar, qatronlаr – o’simliklarning me’yorli, fiziologik modda almashinuvi jarayonining mahsuli. Ular ignabargli daraxtlar va ko’pgina tropik hamda suptropik zonalarda o’suvchi ko’p yillik o’t, dаraхtlаr tarkibida bo’ladi.

Skototaksis – qorong’ilikka tomon harakatlanish.

Skleroproteinlar – hayvon organizmidagi tayanch va qoplovchi to’qimalar (suyak, soch, jun) dagi oqsillar.

Sklerofitlar, qattiq ро’stli о’simliklar – barglari, poyalari qattiq, qalin kutikula bilan o’ralgan, qurg’oqchilikka chidamli o’simliklar.

Sklerifikatsiya, qattiqlanish, yog’ochlanish – hujayra qobig’ining qalinlashishi va qattiq holga, yog’ochlikka aylanish.