Milliylik-millat ko'zgusi
Suzib yuruvchi nasos inshooti – daryo qirg oqlarini tez o’zgartirib turishligidan nasos inshooti maxsus qayiqchaga o’rnatiladi. Suv sathining o’zgarishidan qat’iy nazar suv kerakli balandlikka bir maromda ko’tarilib beriladi.
Sutka– Yerning o`z o`qi atrofida g`arbdan sharqqa bir marta aylanib chiqishi uchun ketgan vaqt, 24 soatga teng. Vaqt o`lchov birligi.
Supasimon o`lkalar – tektonik harakatlar oqibatida tevarak atrofdan bir oz ko`tarilgan tekisliklar.
Supasimon tog`lar – usti yassi va yonbag`irlari qattiq jinslardan tuzilganligidan tik tushgan tog`lar.
Sun’iy tolalar – tabiiy organik polimerlardan olinadigan kimyoviy tolalar, viskoza tolalari, mis-ammiak tolalari, atsetat tolalar, oqsilli sun’iy tolalar sun’iy tolalardir. Sun’iy tolalar to`qimachilik yoki kord iplari, shtapel tolasi holida chiqariladi.
Sunbul havo – salqin, bulutli, ob-havo.
Suv o`tkazmaydigan jinslar – suvni o`zidan juda sekin o`tkazadigan tog` jinslari, Masalan, gil, granit.
Suv o`tkazadigan jinslar – suvni o`zidan oson o`tkazadigan tog` jinslari. Masalan, qum, ohaktosh.
Suv massasi – o`ziga xos maydon va chuqurlik bilan o`lchanadigan, uayyan tabiiy geografik sharoitda shakllangan fizik, kimyoviy va biologik xususiyatlari nisbatan bir xil bo`lgan suv hajmi.
Suv eroziyasi – oqar suvlarning tog` jinslari, tuproqni yuvib ketishi.
