Bo'lim: S harfiga oid qurilish atamalari

Stropila osma – stropila fermi, u faqat ikki oxirgi qismda tayanchlarga ega bo’ladi, uning konstruksiyasi stropilalar, tirgaklar, tag tirgaklar va tortqilardan tashkil topgan tizimdan hosil qilingan.

Sepma (uyum, to’p) – katta miqdordagi narsa, odatda, bo’shashgan, mayda, yig’ilgan, bir joyga qo’yilgan.

Sepilma (sochilma, to’kilma) – 1) saqlangan, ommaviy ravishda qadoqsiz sotilgan; 2) un, guruch va boshqalarning qadoqlanmagan holda vagonda kelishi. Masalan: shag’al sochilmasi, yirik donalar sochmasi va hokazolar.

Sektsiyali uy – bir yoki bir necha sektsiyadan tashkil topgan bino.

Sepiladigan (suvaladigan, qoplanadigan) – biror narsa ustiga sepiladigan suyuqliklar yoki qorishmalar.

Sektsiya – rejada shartli chegaralangan va hajmiy-rejaviy, texnikaviy va qurilmaviy tomondan bir butunlikni tashkil etuvchi bino yoki inshoot qismi.

Sekinlashtiruvchilar – qorishma va betonlar, ularga kerakli xususiyatni berish uchun tarkibiga kiritiladigan qo’shimchalar. Sekinlashtiruvchilar qotishi va birikishida farq qiladi.

Sath – yuza, maydon. Xonaning ko’lami, hovli yuzi, sahni.

Sarchashma – chorbog’lar ichida tashkil qilingan me’moriy buloqboshi.

Sarhad – chegara, chegarani belgilovchi marza.