Bo'lim: S harfiga oid qurilish atamalari

Sahna (maydon) – 1) ommaviy tadbirlar uchun mo’ljallangan bino; 20 tomoshaxonada maxsus ko’tarilgan supa-sahn.

Saqf – ship, gumbaz osti.

Sahn – yuza, maydon, hovli sahni, xona sahni, supa sahni.

Sathlar farqi (farq) – 1) suv omborida balandlikdan tushgan suv; 2) biror narsaning darajalari, qiymatlaridagi farq yoki o’zgarish.

Seysmologiya (zilzilashunoslik) – yer tubida seysmik to’lqinlar tarqalishi, seysmik hodisalar, ularni keltirib chiqaruvchi sabablar, ular bilan bog’liq hodisalar va yer tuzilishini o’rganuvchi fan. Masalan: amaliy seysmologiya va hokazolar.

Seysmograf – seysmologiyada barcha turdagi seysmik to’lqinlarni aniqlash va qayd etish uchun qo’llaniladigan maxsus o’lchash moslamasi.

Seysmiklik (zilzilalilik) – tanlangan hududda zilzila intensivligini uning chastotasi va mumkin bo’lgan manbalar mavjudligiga qarab statistik taqsimoti; seysmik rayonlashtirishning idoraviy xaritalari, shuningdek, qurilish maydonchalarini seysmik mikrorayonlashtirish bilan belgilanadi.

Sezgirlik (sezuvchanlik) – ob’yektning muayyan kichik ta’sirga ma’lum tarzda his qilish xususiyati, shuningdek, ushbu xususiyatning miqdoriy xarakteristikasi. Masalan: zarbani sezuvchanlik.

Seysmik (zilzilali) – yer qobig’ining tebranishlari bilan bog’liq.

Segment (karj) – biror narsaning bir qismi.