Bo'lim: S harfiga oid tibbiyot atamalari

Serdechnaya nedostatochnost, yurak yetishmovchiligi nima degani – asosan yurak mushaklarinign qisqarish qobiliyati pasayishidan kelib chiqadigan buzilishlar turkumi.

Serdechno-lyogochnaya nedostatochnost, yurak-o’pka zaifligi (yetishmovchiligi) nima degani – yurak yetishmovchiligiga o’pka yetishmovchiligi qo’shilishi bilan ifodalanadigan klinik sindrom.

Serdechno-sosudistaya sistema, yurak-tomir tizimi nima degani – yurak-qon tomir va limfa sistemasidan iborat bo’lib, anatomik va genetik jihatdan bir butun, yaxlit tizim.

Serdechno-sosudistiye sredstva, yurak-tomir vositalari nima degani – yurak yetishmovchiligi va tomir tonusi buzilishlarini davolash uchun ishlatiladigan doriladi.

Serdechniye oni, yurak tonlari nima degani – yurak ishlashida vujudga keladigan tovushlar (tez tinadigan, aperiodik tovush tebranishlari). Yurak siklining ma’lum fazalarida paydo bo’ladi. Auskultatsiya va fonografiya yordamida aniqlanadi.

Serdechniye shumi, yurak shovqinlari nima degani – yurak tonlari tingan vaqtda vujudga kelishi mumkin bo’lgan, patologik shovqinlar (uzoq cho’ziladigan, aperiodik tovush tebranishlari).

Serodiagnostika, zardob tashxisi nima degani – odam, hayvonlar va o’simliklar kasalliklarini aniqlash usuli; qon zardobidagi antitanalarning tegishli antigenlarga spetsifik reaksiya ko’rsatish xususiyatiga asoslangan.

Serozit nima degani – seroz pardoning (qorin parda, perikar, plevraning) yallig’lanishi. Ko’pincha sil yoki revmatizmda kuzatiladi. Yallig’lanish fibrinoz, gemorragik va yiringli bo’lishi mumkin.

Seroznaya jidkost, seroz suyuqlik nima degani – odam va hayvonlar ichki bo’shliqlarini qoplagan seroz pardalar ishlab chiqaradigan tiniq oqsilli suyuqlik.

Seroznaya obolochka, seroz parda nima degani – ichki a’zolar harakatini yengillashtiradigan seroz suyuqlik ishlab chiqadigan va o’ziga adsorbsiya qiladigan mezoteliy qavati bilan qoplagan biriktiruvchi to’qimali membrana.