Bo'lim: T harfiga oid geografiyaga oid ensiklopedik atamalar

Toshqin– daryolarning o`zandan chiqib, atrofdagi tekisliklarni bosib ketishi. O`zbekiston daryolarida toshqin ko`p yomg`ir yog`adigan va past tog`lardagi qorlar eriydigan bahorda va baland tog`lardagi muz hamda qor eriydigan yozda kuzatiladi.

Toros – qutbiy dengizlarda katta-kichik muz parchalari uyumi. Katta-katta yassi muz bo`laklari shamol ta’sirida sinib, parchalanib, bir-birining ustiga mingashadi; Toroslarning suv ustidan chiqib turgan qismi 8-10 m, qirg`oqqa yaqin joylarda … Batafsil

Tornado– AQShning janubi-sharqida, Meksika qo`ltig`i yaqinida ko`tariladigan kuchli quyun.

Tonna-kilometr – 1 t yukning 1 km masofaga olib borilishi. Tonna-kilometr transport ishining o`lchov birligi.

Tomoq – daryolarning quyar joyi, dara o`g`zi, dengizlarning tog` qismi.

Tomirjins – yer po`stidagi yoriqlarni to`ldirgan mineral jismlar. Ular chuqur magmatik manbalardan chiqqan moddalar bo`ladi. Tomirlarda ko`pincha rangdor, qora, nodir metall rudalari uchraydi.

Tolali o`simliklar – to`qimachilik sanoati uchun tolalar beradigan ekinlar: paxta, uzun tolali zig`ir, jut, kanop, kanoplya va b.

Tinch okean burmalanishi – mezozoy erasida Tinch okean atroflarida ro`y bergan burmalanish (Sharqiy Osiyodagi tog`lar, Kordilyera, And tog`lari).

Terskay – tog` va tizma tog`larning, jar, vodiylarning quyoshga teskari, shimolga qaragan, soya yonbag`ri, Quyosh nuri kam tushadigan joy. Geografik nomlar tarkibida ham uchraydi: Terskay Olatov.

Teokratik monarxiya (yunoncha teos – xudo, kratos – hokimimiyat) – butun hokimiyat ruhoniylar, cherkov qo`lida bo`lgan davlat formasi.