Bo'lim: T harfiga oid pedagogikaga oid ensiklopedik atamalar

Tarbiyalash-shaxsni maqsadli shakllantirish jarayoni. Mustaqil O’zbekistonda tarbiya, asosan, yoshlarni Vatanga muhabbat, milliy istiqlol g’oyalariga sadoqat ruhida, shaxsni har tomonlama rivojlanishiga hamda faol va ongli insonni tayyorlashga qaratiladi.

Tarbiyalanganlik-o’quvchi yoki talabaning ijtimoiy tajribani o’zlashtirganlik darajasi.

Tarbiyaviy texnologiyaning komplektlilik xususiyati-o’rganilayotgan texnologik jarayon barcha elementlarining o’zaro aloqadorligini taqozo etadigan va uning mazmunini xilma-xilligi, ko’p omilliligidan iborat bo’lgan ijtimoiy-tarbiyaviy texnologiyalar.

Tarbiyaviy muhit-shaxsni shakllantiruvchi tabiat hodisalarini anglash, ijtimoiy munosabatlar tizimi, tafakkur hamda turmush tarzi va shaxslararo munosabatlarga kirishish jarayoni.

Tarbiyaviy munosabatlar-insonlar o’rtasidagi doimiy munosabatlar (aloqalar), tajriba almashishdan iborat bo’lib, shaxsni rivojlantirish, mustaqil ma’lumot, ta’lim olish va o’z-o’zini tarbiyalashni amalga oshirishga xizmat qiladigan jarayon.

Tarbiyaviy jarayon-jamiyat a’zolarining ijtimoiy tajribasi, xulq-atvori, me’yorlarini o’quvchilarga singdirish jarayoni.

Tarbiya uylari-qarovsiz va yetim bolalarga ta’lim-tarbiya beruvchi maskan.

Tarbiya psixologiyasi-pedagogik psixologiyaning shaxsni aqliy, axloqiy hamda estetik jihatdan tarkib topishi va rivojlanishi qonuniyatlarini o’rganuvchi bo’lim.

Tarbiya metodi-tarbiyaviy ta’sirni amalga oshirish va tarbiya vazifalarini hal etishning umumiy majmui.

Tarbiya metodlari-shaxsni shakllantirish uchun tarbiyalanuvchida ehtiyoj hissini uyg’otish, o’zini tutish ko’nikmalarini hosil qilish uchun qo’llaniladigan usullar majmuasi.