Bo'lim: T harfiga oid qurilish atamalari

Tahrir qalam – naqsh shakllarini tekislash va pardozlashda ishlatiladigan mo’yqalam.

Tahlil – tadqiqot ob’yektlarining alohida qismlarini tanlash va o’rganish bilan tavsiflangan tadqiqot usuli. Masalan: areometrik tahlil, donadorlik tahlili, sifat tahlili, miqdor tahlili, zo’riqishlar tahlili, hajmiy tahlil, tannarx tahlili, to’rsimon chizma … Read More

Tahrib – vayrona, vayron etilgan, xaroba.

Tahoratxona – yuvinib poklanish uchun moslangan maxsus xona. Masjid tarkibidagi asosiy xonalardan biri.

Taxtiravon – usti berk ko’chma shoh o’rindig’i.

Taxtagoh – poytaxt, saroy.

Taxtacha yotqizuvchi – plitka qo’yish bo’yicha mutaxassis.

Taxtacha – 50-60 Gts chastotali bir va uch fazali o’zgaruvchan tokning 1000 B dan kam kuchlanishdagi elektr energiyasini qabul qilish va tarqatish uchun mo’ljallangan to’liq qurilma. Masalan: ko’rsatkich taxtacha.

Taxtacha (marmar taxta, tosh taxtaga oid) – kvadrat plastinka shakliga presslangan moddaning bir qismi. Material kuchli va bardoshlidir.

Taxta shaklida – taxtaga o’xshash shaklidagi materiallar.