Bo'lim: U harfiga oid pedagogikaga oid ensiklopedik atamalar

Umumlashtirish-shaxsning voqelikni bilish, tadqiq etishdagi muhim fikiy harakati hamda narsa va hodisalarning o’xshash muhim belgi, xususiyatlarini, bog’lanishlarni fikran muayyan tushuchaga birlashtirish jarayoni va uning natijasi.

Umuminsoniy qadriyat-muayyan jamiyat, madaniyat yoki tarixiy davr bilan bevosita bog’lanmagan, kishilar tomonidan qabul etilgan qadriyat.

Umumiy qarorlar-ta’lim muassassi faoliyati va jamoa a’zolarining ish tartibi, ta’lim muassasasi reglamentini belgilash haqidagi umumiy tavsifga ega bo’lgan hukm.

Umumiy o’rta ta’lim maktabi-o’quvchilarga umumiy o’rta ta’lim beruvchi ta’lim muassasasi.

Umumiy o’rta ta’lim-1-9-sinflarda o’quvchilarga ta’lim-tarbiya berish va ularni barkamol shaxs sifatida rivojlantirish tizimi.

Umumiy pedagogika-inson yoshi, ruhiy holati, shaxsiy xususiyatlaridan qat’i nazar unga ta’lim-tarbiya berusg qonuniyatlari, metodlari, tamoyillarini aniqlash bilan shug’ullanuvchi fan.

Umumiy malaka-jamiyat axloqiy me’yorlarining yuqori darajada o’zlashtirilishi.

“Umid nihollari” sport o’yinlari – O’zbekistonning umumiy o’rta ta’lim va bolalar-o’smirlar sport maktablari o’quvchilari o’rtasida o’tkaziladigan ommaviy sport musobaqalari.

Umumiy layoqat-bilimlarni nisbatan oson va sifatli o’zlashtirishni ta’minlovchi shaxs xususiyatlari tizimi.

Uyg’unlik-muayyan o’quv predmetiga oid o’quv materiali mazmunining shaxsni rivojlantirish shakli, metodi va usullari bilan uyg’un tarzda ifodalanishi.