Bo'lim: V harfiga oid iqtisodiy ensiklopedik atamalar

VALYUTA PARITETI – ikkita valyuta o’rtasida qonunga binoan belgilanib, valyuta kursining asosi hisoblanadigan nisbat.

VALYUTA OPSIONI – kontraktda belgilangan muqobil valyuta shartlarini tanlash huquqi.

VALYUTA OPERATSIYALARI – chet el banknoti va tangalari, chet el valyutasidagi to’lov hujjatlarini (cheklar, veksellar, akkreditiv, oltin bilan bo’ladigan oldi-sotdilar) xarid etish va sotish jarayoni.

VALYUTA MUNOSABATLARI – valyutaning jahon oborotidagi harakati natijasida vujudga keladigan pul munosabatidir.

VALYUTA KURSLARI FARQLARIDAN OLINGAN DAROMADLAR – korxonaning valyuta schyotida saqlanayotgan chet el valyutasi va chet el valyutasidagi debitorlik qarzlar bo’yicha hisoblangan ijobiy kurs farqlari tushuniladi.

VALYUTA KORIDORI – chet davlatlarda moliyaviy-iqtisodiy ahvolni, ularda krizisning oldini olishni, moliyaviy holiga tasir etadigan omillarni bartaraf etish maqsadida oldindan valyuta kursini belgilash tizimi.

VALYUTA KONVERTIRLASHUVI – uning boshqa xorijiy valyutalarga almashish qobiliyati tushuniladi.

VALYUTA INTERVENSIYASI – davlatlarning valyuta bozoridagi muomalaga milliy yoki chet-el valyutasi kursini oshirish yoki tushirish maqsadida chet el valyutasining yirik summasini yoki oltinni sotib olish yo’li bilan aralashuvi.

VALYUTA FONDI – eksportni rag’batlantirish maqsadida korxonalarda tashkil etiladi. Valyuta fondi o’zgarmaydigan normativlar asosida uzoq muddatga belgilanadi. Uning miqdori eksportga mo’ljallangan tovarlar va xizmatlarning hajmiga bog’liq.

VIA – (ingl. – orqali) shu belgi bilan VIA yuborilayotgan tovarning yo’nalishi ko’rsatiladi. Masalan, “Toshkent VIA” belgili tovar to’xtovsiz dunyoning har bir chekkasidan kelishi kerak.