CHAMANDAGUL

CHAMANDAGUL (Verbena) — tizimguldoshlarga mansub bir va ko’p yillik o’tsimon o’simlik va yarim butalar turkumi; ekma gul. Vatani — Peru. Amerikaning tropik va subtropik mintaqalarida 200 dan ortiq turi o’sadi. Gulchilikda gullari qalqonsimon, to’pguli diametri 6-7 santimetr, oq, qizil, pushti, sariq, binafsha rangli, bir yillik duragay Chamandagul (V. hybrida) ekiladi. Bo’yi 2550 santimetr, tupi yoyiq, shoxlari g’uj, bargi tuxumsimon, rangi yashil. Sovuqqa chidamli, erta tushgan qor ostida ham sovuq urmaydi. Chamandagul urug’idan ko’paytiriladi. Urug’i fevral-mart oylarida issiqxonalarda ekiladi. Iyundan oktyabrgacha gullaydi. Chamandagul xonadonlarda, ko’p qavatli uylar balkonida, Park va xiyobonlarda manzarali o’simlik sifatida o’stiriladi.