DAVLAT NASLCHILIK KORXONASI

DAVLAT NASLCHILIK KORXONASI — O’zbekistonda naslchilik ishlari bilan shug’ullanuvchi muassasa. Chorvachilikda «Naslxizmat» Respublika naslchilik uyushmasi tarkibiga kiradi. Toshkent viloyati Qibray tumani Tuzel qishlog’ida joylashgan. 1956 yil 28 dekabrda Toshkent davlat otchilik korxonasi (stantsiyasi) o’rnida chorva hayvonlarini sun’iy urug’lantirish st-yasi sifatida tashkil etilgan. Asosiy vazifasi viloyat, tuman naslchilik birlashmalari, xo’jaliklarni sermahsul naslli buqalar urug’i bilan ta’minlaydi. Korxona o’zida boqiladigan qora-ola, shvis, qizil cho’l va boshqa qora-mol zotlari buqalaridan urug’ oladi, uning sifatini baholaydi, shisha naychalarga joylaydi va muzlatadi. 1968 yildan urug’lar suyuq azotda (-196°) granula holida muzlatiladi va xo’jaliklarga yetkazib beriladi.